TULLIO POZZAN – El ze un resercador e siensiato veneto, nasesto a Mestre inte’l 1949, profasor de Patołozìa Zenarałe inte l’Univarsità de Padoa, reconjosùo par èsar una de łe fegure pì inportante de ła siensa biomèdega a leveło intarnasionale. Łaureà a Padoa inte’l 1973 el ga contribuìo a ła fondasion de l’Istituto Veneto de Medezina Mołecołare e, da’l 2012, el ze retor de’l Dipartimento de Siense Biomèdeghe de’l CNR. El profasor Pozzan el ze autor de 350 artìgołi pubregài inte łe pì prestizoze reviste sientìfeghe intarnasionałi, e i só łaori i ga avuo pì de 50.000 sitasion. Par de pì el ze menbro de alcune tra le pì prestizoze academie nasionałi e intarnasionałi: Istituto Veneto de Siense Łétare e Arti, Royal Society (UK), National Academy of Sciences (USA).
~
Da’l Łunaro Veneto 2021, Febraro in 4 artìgołi:
- FEBRARO/1 – TULLIO POZZAN
- FEBRARO/2 – PADOA E ŁA SIENSA
- FEBRARO/3 – TRATADO DE MEDEZINA
- FEBRARO/4 – ŁENGUA E CONPUTASION
