TRATADO DE MEDEZINA – Joani Micel Savonaroła el ze stà un mèdego, siensiato e umanista veneto tra i pì inportanti de’l Cuatrosento. El ze stà el nono de’l sèłebre Ziròłamo Savonaroła. Tra łe só òpare A ze da sitar l’inportante tratado “Practica Maior” (Practica de aegritudinibus a capite usque ad pedes), scriesto a Padoa a partir da’l 1440, che’l contenjéa tuto cuel che a l’època A se podéa saver de medezina “da’l cao a i piè”. El ze stà autor anca de un tra i primi studi sientìfeghi de pediatrìa e puericultura. Daspò de èsarse trasferìo da Padoa a Ferara el ga scriest el “Libellus de magnificis ormamentis regie civitatis Padue”, un ełozo a ła só sità nadałe co’l respeto pa’l goerno de ła Serenìsima: Padoa ła ze ła mare de Venesia, e Venesia ła ze un sostenjo indispensàbiłe par Padoa.
~
Da’l Łunaro Veneto 2021, Febraro in 4 artìgołi:
- FEBRARO/1 – TULLIO POZZAN
- FEBRARO/2 – PADOA E ŁA SIENSA
- FEBRARO/3 – TRATADO DE MEDEZINA
- FEBRARO/4 – ŁENGUA E CONPUTASION
