Veneto & Motori (3/4): ENRICO ZENO BERNARDI

ENRICO ZENO BERNARDI – (Verona 1841 – Torin 1919) el ze stà un inzenjer veneto. El 22 aosto 1882 el gavéa brevetà el só motor endotèrmego a benzina: un monosiłìndro de 130 cc, de njanca un cavało de potensa, che’l ze stà cołaudà montà so ła machina da cùzar de só mujer.

Inte l’istà de’l 1884 el Bernardi el ga montà el só motoreto inte’l trisiclo in lenjo de sò fiol Lauro che, a sincue ani, el zirandołéa pa’ łe strade fora Verona deventando el primo otomobiłista de’l mondo – so veìcoło a benzina – tamentre el só trisicleto el ze stà, de fato, el primo veìcoło co motor a benzina che’l se gapia movesto a’l mondo.

Chel protòtipo el ze stà premià co ła medaja de oro a l’Espozision de Torino de’l 1884, e deso el ze de proprietà de’l Comun de Verona, in mostra rente ła sede de l’ACI.

~

Da’l Łunaro Veneto 2020, Novenbre in 4 artìgołi:

  • NOVENBRE/1 – SCUDERÌA SERENÌSIMA
  • NOVENBRE/2 – RONCADE
  • NOVENBRE/3 – ENRICO ZENO BERNARDI
  • NOVENBRE/4 – CANPION de FÒRMUŁA 1
Dizitałizasion de’l testo de Novenbre 2020 de’l Łunaro Veneto 2020.
Reprodusion autorizà da Academia de ła Bona Creansa