El primo Bucintoro, recordà pa’l só splendor el ze cueło inaugurà soto el dogado de Andrèa Griti (1523-1538).
Sensa remi, ła venjeva tirà da altre inbarcasion. A bordo A ghe jera su par zo 168 remadori a i scalmi, 40 reserve, na serie variàbiłe de proti e caimastri, comandà da’l màsemo raprezentador de l’Arsenałe, el “Manjìfego Almirante“.
L’ùltemo Bucintoro el ze stà el pì spetacołar: łongo scuazi 40 metri, manjifegamente decorà scuazi che’l fuse un pałaso, co el pavemento intarsià e sofito a casetoni, co na decorasion siora reałizà da un scultor famozo de l’èpoga, Antonio Coradin, dotà de na statua enorme de ła justisia co’l corno dogal so ła testa che ła vardava vànti maestoza raprezentando sinbołegamente Venesia e de’l łeon de San Marco, in sima so’l rostro prinsipałe, e arcuante altre, cofà anca cueła de’l Tenpo, co na clesidra e na false.
~
Da’l Łunaro Veneto 2020, Febraro in 4 artìgołi:
- FEBRARO/1 – EL BUCINTORO
- FEBRARO/2 – CANAL DE ŁEME
- FEBRARO/3 – PIERO ORSÈOŁO II
- FEBRARO/4 – FESTA DE ŁA SENSA
