EL CULTO DE S. PROZDÒZEMO – El corpo de san Prozdòzemo el ze conservà Padoa inte’l tenpieto a łu dedegà da rente a ła Bazéłega de Santa Justina. El ze patrono de ła sità insenbre a santa Zustina, san Antonio e san Daniełe, come anca de Sitadeła, Àzoło e Viłanova de Canposanpiero. El dì dedegà a san Prozdòzemo el ze el 7 novenbre. Ła tradisionałe raprezentasion de’l santo ła ło mostra co intre na man el pastorałe e inte cheł’altra ła broca de acua santa, indegando cusì ła só instancàbiłe atività cofà batezador. A se połe vedarlo par ezenpio da’l depinto de’l santo de Andrèa Mantenja (de’l 1453-1454 e conservà a ła Pinacoteca de Brera), parte de un połìptego dove che A ze raprezentà anca santa Justina (che na serta tradision ła vorìa èsar stà convertìa propio da san Prozdòzemo, sepur łe datasion pì probàbiłe ło escludarìa).
Da’l Łunaro Veneto 2022, Apriłe in 4 artìgołi:
- APRIŁE/1 – SANTA JUSTINA
- APRIŁE/2 – EL CULTO DE SANTA JUSTINA
- APRIŁE/3 – SAN PROZDÒZEMO
- APRIŁE/4 – EL CULTO DE SAN PROZDÒZEMO
