Ła giosa ła scava ła piera (2/4)

ŁA GROTA AZURA – A pochi chiłometri da i brent de l’Art A se połe catar n’altro posto che l’acua ła ga modełà e ornà co i só cołori e ła só mazìa. Da’l casteło de Zumełe, defati, in venti o trenta menuti de spasizada A se riva a ła grota azuta. Inte’l ponto dove che’l vien fora da’l monte, el torente Rui el se ga fato strada traverso de un zbaramento de piera, reałizando cusì na pisina coverta, prima de rescomisiar el só camin verso vałe. L’acua łanpra e pura, da’l cołor turcheze e łe miłe sfumadure, insieme co ła curioza architetura de ła fonte, ła fa somejar el posto cofà ła caza de fade e anguane.