ŁA CASCADA DE ŁA SOFIA – Da cheł’altra parte de ła vałe A ze posìbiłe vizitar anca ła cascada de ła Sofia. Cuà l’acua e łe só capasità de erozion łe se mostra in tuta ła só potensa: el torente, dopo èsar vejesto zo da ła montanja, el se ga scavà inte na dura łota el só camin traverso ła piera ferìa, par dopo butarse inte na cascada alta 12 metri in mezo a parede scure e strete, rebonbando co forsa. Dopo un camin cusì fadigozo e intrigà, l’acua de’l torente ła se unise trancuiła a cueła de’l łago de soto che, tratenjùo da na diga, l’òcupa bona parte de ła vałe.
Da’l Łunaro Veneto 2023, Marso in 4 artìgołi:
- MARSO/1 – GUTTA CAVAT LAPIDEM
- MARSO/2 – ŁA GROTA AZURA
- MARSO/3 – I CADINI DE’L BRENTON
- MARSO/4 – ŁA CASCADA DE ŁA SOFIA