El ze stà el 26 ° Doze de’l Dogado de Venesia, un diplomàtego grando parchè el ze stà bon de tenjer in parfeto ecuiłibrio i raporti co l’Inpero bizantin e el papado.
El jera fioło ùnego de Piero I Orsèoło e de Fełìsita Małipiero, el se ga spozà co Marìa e el ga arcuanti fiołi che i gavarà incarghi inportanti so’l Dogado. Inte’l 991 el vien ełeto doze in sostitusion de’l tribun Memo che el jera stà fato abdegar par colpa de barufe tra łe fameje Cołoprin e Morozin.
Inte i primi mezi de governo, el ze stà bon de ciapar el favor de łe potense foreste pì grande, portàndoghe stabiłità połìtega e prosperità econòmega a Venesia, in partegołare A recordemo ła crizoboła otejnuda da i inperadori bizantini Bazełio II e Costantin VIII, indove che i marcanti venesiani i ga podùo gòdar de consesion partegołarmente vantajoze, e altri acordi co i vescovadi de teraferma cofà Trevizo, Séneda e Bełun
~
Da’l Łunaro Veneto 2020, Zenaro in 4 artìgołi:
- ZENARO/1 – EL BUCINTORO
- ZENARO/2 – CANAL DE ŁEME
- ZENARO/3 – PIERO ORSÈOŁO II
- ZENARO/4 – FESTA DE ŁA SENSA
