ROZALBA CARIERA – (Venesia, 1675 – Venesia, 1757) ła ze stà na pitora e retratista veneta. Ła ga scumisià el só parcorso artìstego piturando łe tabachiere (scatołete pa’l tabaco) co łe tìpeghe fegure de łe femenete.
Ła ze stà ła prima artista a far miniadure pituràe so l’avorio co’l trato zgajo e łezero caratarìstego de ła pitura venesiana e, inte ‘sto modo, ła ga trazgredìo a łe règołe acadèmeghe che łe comandéa a chełi tenpi.
Da zóvane ła ga vùo ła fortuna de studiar ła pitura, e anca ła mùzega, oltra che’l recamo, cavàndose desizamente fora da’l stereòtipo femenin che’l jera consołidà inte i costumi de l’època, tanto che eła stesa ła gavéa creà un sìrcoło de intełetuałi che’l ciapéa rento vari parsonaji iłustri de l’anbiente artìstego e łetarario.
Ła ga vantà reconosimenti in tuta Europa, fin el ponto che A ghe ze stà comisionà retrati, oltra che da prìnsipi e prinsipese, anca da’l Re de Fransa Louis XV.
~
Da’l Łunaro Veneto 2019, Zenaro in 4 artìgołi:
- ZENARO/1 – Na paroła: ŁÀUREA
- ZENARO/2 – Un posto: PIANETA VÈNERE – CRATERE PISCOPIA
- ZENARO/3 – Un parsonajo: ROZALBA CARIERA
- ZENARO/4 – Un evento: ŁA PRIMA UNIVARSITÀ VENETA (e no ła ze mìa Padoa!)
